Tweetbiz

September 2nd, 2010
Richard Gutierrez, nagsalita sa mga isyu tungkol kina Jewel Mische at Solenn Heussaff

2010_09_02_Richard Masayang-masaya si Richard Gutierrez dahil sa mataas na ratings at magagandang feedback sa hino-host niyang Survivor Philippines Celebrity Showdown. Hindi rin maitatangging man of the hour si Richard dahil bukod sa success ng Survivor at ng pelikula niyang In Your Eyes ay dumagsa rin ang mga intriga sa kanya lalo na tungkol sa kanyang lovelife.

After niyang magsalita sa Showbiz Central tungkol kay Jewel Mische ay tila umiiwas na itong pag-usapan ang naturang isyu.

“Na-clarify ko na iyan at ayoko na siyang palakihin. I’m a very private person when it comes to my personal life kaya di madali sa akin ang magbitaw ako ng salitang ganun. Gusto ko tahimik na lang for now,” sabi ni Richard.”
(more…)

September 2nd, 2010
Kapuso actors, pasok sa 69 Savage Studs ng Cosmopolitan Mag

2010_09_02_CosmoHunks- Ilang Kapuso actors ang pumasok sa listahan ng 69 Savage Studs, ang special supplement ng Cosmopolitan Magazine September issue na tinaguriang Gone Wild edition kung saan may kasamang mga hayop ang bawat isang stud. Kabilang nga sina Carl Guevarra, Fabio Ide, Prince Stefan, Rocco Nacino at Joross Gamboa sa hot Cosmo Bachelor Bash na nakatakdang rumampa sa September 9.

Bumisita nga si Joross kasama ang apat pang hot bachelors sa set ng Tweetbiz para i-promote ang magazine at ang Cosmo Bachelor Bash. Ayon sa kanila, napili silang mapasama sa naturang special issue through go-sees and by invitation.
(more…)

September 1st, 2010
Phillip Salvador, balak magtayo ng organisasyon na tutulong sa mga artistang may sakit

Masigasig ang action star na si Phillip Salvador na magtayo ng organisasyon na tutulong sa mga artistang may sakit. Dumarami raw kasi mga artistang nagkakasakit na kung hindi mae-expose sa media ay hindi pa makakatanggap ng tulong pinansiyal at medikal.

Naisip ito ni Phillip makaraang maibalita ang pagkakasakit ng mga kilalang kontrabida ng mga action stars na sina Paquito Diaz at Dick Israel.

Wish naman ni Phillip na sana ay marami raw ang mag-donate para marami rin silang matulungan na mga artistang may sakit.

Samantala, suportado naman ni Boy2 Quizon ang layuning ito ni Phillip. Nagbo-volunteer nga siya na pamunuan ang youth chapter ng organisasyong itatayo.

September 1st, 2010
Vic Sotto, nahanap na ang bagong Faye niya

Matapos kumpirmahin pareho nina Sen. Bong Revilla at Bossing Vic Sotto na tuloy na ang pelikulang pagsasamahan nila na may working title na Agimat ni Enteng, naging pahulaan naman kung sino ang magiging leading ladies nila sa pelikula.

Sa ngayon tanging ang leading lady pa lang ni Bossing Vic ang naibunyag. Ang bagong Faye nga sa buhay ni Enteng Kabisote ay ang baguhang si Gwen Zamora na fresh na fresh ang kagandahan.

Si Gwen ang latest Kapuso na ipinakilala sa Party Pilipinas kamakailan.

Sa ganda raw ni Gwen ay hindi ito pahuhuli sa ganda ng mga artistang gumanap dati ng Faye na kinabibilangan nina Kristine Hermosa, Alice Dixson, Tweetie de Leon at Dawn Zulueta.

Mapapanood din soon si Gwen sa bagong telefantasya ng GMA-7 na Grazilda, na pagbibidahan ni Glaiza de Castro. Gagampanan ni Gwen ang role ni Cinderella.

August 31st, 2010
Celebrity Survivors Solenn, Moi, Ervic at Ahron may bigating revelations sa Tweetbiz

2010_08_31_Survivor- Nag-umpisa na ngang mapanood kahapon, August 30, sa GMA Telebabad ang Survivor Philippines: Celebrity Showdown, hosted by Richard Gutierrez. First episode pa lang ay talagang tinutukan na ng mga manonood ang simula ng challenges ng mga celebrity na kasali rito.

Una na ngang napanood ang paglalakbay ng mga celebrities papunta sa isla kung saan kailangan nilang hanapin ang kanilang name tags along the way. Sumabak din agad sila pagtatayo ng kanilang pansamantalang shelter.

Hindi nga naging madali ang pananatili nila sa isla sa pagharap sa iba’t ibang challenges. Ito rin ang sinabi ng celebrity survivors na sina Solenn Heusaff, Moi Marcampo, Ervic Vijandre at Ahron Villena sa kanilang live guesting sa Tweetbiz ngayong gabi, August 31.
(more…)

August 31st, 2010
Mga kumprontasyon daw sa birthday party ni Ogie Alcasid, gumagawa ng kontrobersiya

2010_08_31_DingdongBayani Bukod sa kasiyahang naganap sa birthday party ni Ogie Alcasid noong Biyernes, August 27, unti-unti na ring nasisiwalat ang diumano’y mga awayan at kumprontasyong nangyari noon sa pagitan ng ilang mga bisita sa party.

Una na nga rito ang banggaan ng dalawang talent managers na sina Annabelle Rama at Angeli Pangilinan, na asawa ni Gary Valenciano.

Diumano may sama na raw ng loob si Annabelle kay Angeli bago pa sila magkita sa party dahil sinabihan umano ni Angeli ang anak ni Annabelle na si Ruffa Gutierrez na tigilan na raw ang pagpaparetoke.
(more…)

August 30th, 2010
Richard Gutierrez at Jewel Mische, hiwalay na ba?

2010_08_30_Jewel_Richard Bagama’t hindi pa diretsong inaamin nina Richard Gutierrez at Jewel Mische ang pagkakaroon nila ng relasyon, madalas namang sabihin ni Richard na espesyal si Jewel sa kanya.

Pero sa guesting ni Richard sa Showbiz Central kahapon, August 29, para sa promotion ng Survivor Philippines: Celebrity Showdown kung saan siya ang bagong host, inamin ni Richard ang pagkakaroon nila ng “something special” ni Jewel. Sinabi rin ng aktor na wala siyang karelasyon ngayon.

Ibig bang sabihin nito ay break na sila ni Jewel kahit na hindi pa sila umaamin?
(more…)

August 30th, 2010
Claudine Barretto, doble-ingat na ngayon sa Twitter matapos lumala ang away nila ni Angelica Panganiban

2010_08_30_Claudine Mainit pa ring pinag-uusapan ngayon ang alitan sa pagitan nina Claudine Barretto at Angelica Panganiban na nagsimula sa maaanghang na tweet ni Claudine laban kay Angelica.

Matapos ngang maging seryoso at mauwi sa bantang demandahan ang away nila ni Angelica, maingat na raw si Claudine ngayon.

Ang latest, Claudine has changed her Twitter settings at ginawang private na ang kanyang account. Aside from this, nagbago na rin siya ng Twitter handle or name. Dati kasi ang gamit niyang name ay dineybarretto. Ngayon ay itsmeclaudineb na ang gamit niya.

Mas tumindi nga ang away ng dalawa matapos magpa-interview ni Claudine kung saan isiniwalat nito ang galit niya kay Angelica. Plano raw ni Claudine na sampahan ng kaso si Angelica dahil sa pagkakalat nito diumano ng mga kuwentong nakakasama kay Claudine at sa kanyang pamilya. Ayon dito, ipinamamalita raw ni Angelica na may extra-marital affairs daw si Claudine kay Martin Castro, na bestfriend ni Derek Ramsay (boyfriend ni Angelica) at kaibigan din ni Raymart Santiago (asawa ni Claudine).
(more…)

August 30th, 2010
Survivor Philippines: Celebrity Showdown, nagsimula na sa GMA Telebabad

Nag-umpisa na ngang mapanood ngayong gabi, August 30, sa GMA Telebabad ang Survivor Philippines: Celebrity Showdown.

Marami ang nag-abang sa season 3 ng Survivor Philippines dahil bukod sa bagong host na si Richard Gutierrez ay talaga namang inabangan ang mga celebrities na kasali sa show na kinabibilangan nina actress Michelle Madrigal, sexy actress at hot mama Aubrey Miles, socialite at model Solenn Heussaff, actress Karen delos Reyes, Sexbomb member Aira Bermudez, champion athlete at long jump queen Elma Muros, StarStruck V Avenger Princess Snell, regular cast member ng Bubble Gang na si Mykah, ang commercial model at personal assistant ni Piolo Pascual na si Moi Marcampo (artista sa Kimmy Dora), Brazilian-Japanese model-actor Akihiro Sato, model at rumored boyfriend ni Michelle Madrigal na si John Hall, actor Ahron Villena, TV host-actor Mico Aytona, StarStruck V Avenger Ian Batherson, celebrity veterinarian at Born To Be Wild host Doc Ferds Recio, Parokya ni Edgar bassist Buhawi Meneses, athlete at model Ervic Vijandre (ex-boyfriend ni Marian Rivera), at comedian Pretty Trisza.

Maraming viewers nga lang ang naloka dahil hindi nila alam kung alin ang papanoorin: Tweetbiz ba o Survivor Philippines dahil magkasabay ang airing ng dalawang shows. Bagama’t mayroon namang replay ang Tweetbiz tuwing 10:3Opm.

Ang request na lang ng Tweetbiz team ay parehong suportahan ng mga manonood ang dalawang shows.

Abangan sa Tweetbiz ang pagge-guest ng mga celebrity survivors sa susunod na mga araw.

August 30th, 2010
Buboy Villar, ligtas na raw sa dengue

Matapos maibalita ang pagkakasugod sa ospital ng Kapuso child actor na si Buboy Villar dahil sa sakit na dengue, ngayon ay ligtas na raw ito at tuluy-tuloy na sa pagpapagaling.

Ililipat na raw ito ng regular room matapos manatili ng ilang araw sa ICU (intensive care unit).

Bukod kay Buboy nadale rin ng dengue ang kapatid niyang si Ronron na ligtas na rin daw sa sakit.

Mainstay ng sitcom na Jejemom sa GMA-7 si Buboy.

Maraming mga artista ang nagiging biktima ngayon ng dengue gaya nina Derek Ramsay, Enchong Dee, at iba pa.

Samantala, speaking of dengue, inaasahang lalong magiging aware ang publiko sa sakit na ito dahil sa pagkaka-appoint ng Department of Health sa sikat na TV host-actress at presidential sister na si Kris Aquino, bilang anti-dengue ambassador.

Ayon sa DOH, perfect model for the advocacy si Kris dahil parehong nagka-dengue last year ang mga anak nito na sina Joshua at Baby James.

Tweetmosas-in-Chief

Tim Yap

Mr. Fu